O Real Club Deportivo notifica a todos os seguidores do Dépor ABANCA e aos seus socios en xeral que para o acceso ao partido Deportivo ABANCA - Alhama de Murcia que se disputará na Cidade Deportiva de Abegondo o vindeiro domingo 5 de maio (en horario aínda por determinar) será obrigatorio retirar invitación previa para proceder ao control de aforamento e asistencia até a instalación.
Ante a expectación suscitada por un dos partidos clave da temporada todos aqueles que queiran asistir ao encontro deberán recoller a súa invitación na Oficina de Atención ao Deportivista (Estadio ABANCA-RIAZOR, paseo de La Habana s/n) no seu horario habitual de 10:00 a 13:30 e de 16:30 a 19:00 h.
As dúas invitacións con cada abono, até completar aforo, pódense recoller, presentando o carné do Deportivo, desde o mércores 24. Para este partido non se venderán entradas en despacho de billetes e só se poderá entrar con esa invitación.
