O Deportivo, cos canteiráns Adri Castro e Pablo Brea, pechou esta mañá en Abegondo esta semana sen fútbol de competición.
A novidade foi a presenza no grupo de Bóveda e Salva Ruiz, que xa están na fase final da recuperación das súas respectivas lesións.
Para este grupo de futbolistas houbo, após un quecemento con rondos, un exercicio táctico con finalizacións e un partido para concluír a metade do campo 2.
Tiveron adestramento específico Valín, Borja Granero, Lucho, Héctor e Derik. Con Celso Borges concentrado con Costa Rica, hoxe non se adestrou Claudio Beauvue, con permiso do corpo técnico.
Mañá domingo e o luns haberá xornada de descanso. O Dépor regresa aos adestramentos o martes 17 de novembro ás 10:30 en Abegondo para comezar a preparar xa a visita ao CD Guijuelo do domingo 22 de novembro (17:00 horas, Footters).
