Partidazo en ANOSACANTEIRA no campo Arsenio Iglesias na xornada do sábado 25.
O Fabril, líder da Segunda Federación, mídese ao segundo, o Oviedo Vetusta, ás 16:30 (YouTube RC Deportivo).
Os branquiazuis, que veñen de empatar en Villaviciosa (0-0) mandan con 19 puntos por 15 os carbayones.
O Club mantén activo o protocolo de apertura con rexistro de asistentes do campo Arsenio Iglesias.
Poden retirar entradas dispoñibles, até esgotar a bancada e sen ningún custo adicional, todos os socios e socias do RC Deportivo que o tramiten formalmente a través da web bancada.rcdeportivo.es, na que deberán introducir a súa ID de socio e os 4 últimos números do DNI. A continuación, seleccionar unha localidade libre e posteriormente completar os seus datos de contacto e a dirección de correo electrónico onde recibir a entrada.
Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición e localización na instalación.
O RC Deportivo solicita que unicamente tramiten a entrada aqueles socios e socias que vaian poder acudir ao partido, para evitar que queden afeccionados sen poder asistir unha vez completado a repartición dos asentos nun proceso 100 % telemático.
As socias e socios do RC Deportivo terán prioridade para a retirada da súa entrada gratuíta até este mércores 22 de outubro ás 23:59 h.
A partir dese momento, se houbese localidades aínda dispoñibles, habilitarase simultaneamente o sistema de venda de entradas para o público en xeral, a través da mesma plataforma en bancada.rcdeportivo.es e seguindo o preceptivo sistema de rexistro e pago de localidade. O prezo de cada entrada para afeccionados sen carné do RC Deportivo é de 10 euros.
Ademais o sábado 25 o Cadete, líder da División de Honra, recibe ao Escola de Fútbol DSF (12:30 no Dépor Training Center); o Infantil, á fronte da División de Honra, ao Racing de Ferrol (10:15 no Dépor Training Center); o San Tirso SD Infantil ao CD Lugo (10:30 no Monte); o Alevín Á o CD Calasanz (13:30 na Torre); e o Benxamín Á o ED Luis Calvo Sanz (12:30 na Torre).
Fóra de casa o San Tirso SD Cadete visita ao Ural Español CF (10:15, A Grela 1); o Fabril FC Alevín (na foto entre o texto), á fronte da Primera Futgal A Coruña, ao Betanzos CF (10:30, O Carregal); e o Fabril FC Benxamín (na foto inferior) ao Atlético Arteixo (10:15, Ponte dos Brozos).
Para o domingo 26 de outubro quedan os partidos dos xuvenís.
O A mídese ás 12:00 no campo Arsenio Iglesias ao Arosa SC igualados a puntos na División de Honra; e o B (na foto principal da noticia) enfróntase na Cheda ás 18:00 ao CD Lugo B.
O calendario de partidos é o seguinte:
Segunda Federación
8ª xornada: FABRIL - OVIEDO VETUSTA, o sábado 25 de outubro ás 16:30 no campo Arsenio Iglesias
Clasificación: 1. Fabril, 19 puntos; 2. Oviedo Vetusta, 15 puntos...
Categoría xuvenil
6ª xornada: XUVENIL A - AROSA SC, o domingo 26 de outubro ás 12:00 no campo Arsenio Iglesias
Clasificación da División de Honra: 1. RC Celta, 13 puntos; 2. Xuvenil A e Arosa SC, 10 puntos; 4. Real Oviedo e Sporting de Gijón, 9 puntos...
8ª xornada: CD LUGO B - XUVENIL B, o domingo 26 de outubro ás 18:00 na Cheda
Clasificación da Liga Nacional: 1. RC Celta B, 21 puntos; 2. Xuvenil B, 19 puntos; 3. CD Choco, 15 puntos; 4. Coruxo FC, CD Lugo B e Victoria CF, 13 puntos...
Categoría cadete
7ª xornada: CADETE - ESCOLA DE FÚTBOL DSF, o sábado 25 de outubro ás 12:30 no Dépor Training Center
7ª xornada: URAL ESPAÑOL CF - SAN TIRSO SD CADETE, o sábado 25 de outubro ás 10:15 na Grela 1
Clasificación da División de Honra: 1. Cadete, 18 puntos; 2. RC Celta, 16 puntos; 3. San Tirso SD Cadete, Arosa SC, Ural Español CF, Escola de Fútbol DSF e CD Lugo, 10 puntos; 8. CD Areosa e ED Val Miñor Nigrán, 9 puntos...
Categoría infantil
7ª xornada: INFANTIL - RACING DE FERROL, o sábado 25 de outubro ás 10:15 no Dépor Training Center
7ª xornada: SAN TIRSO SD INFANTIL - CD LUGO, o sábado 25 de outubro ás 10:30 no Monte
Clasificación da División de Honra: 1. Infantil e RC Celta, 18 puntos; 3. ED Val Miñor Nigrán, 15 puntos; 4. San Tirso SD Infantil, 13 puntos; 5. CD Lugo, 12 puntos... 10. Racing de Ferrol, 6 puntos...
Categoría alevín
5ª xornada: ALEVÍN A - CD CALASANZ, o sábado 25 de outubro ás 13:30 na Torre (campo 1.2)
5ª xornada: BETANZOS CF - FABRIL FC ALEVÍN, o sábado 25 de outubro ás 10:30 en O Carregal (Betanzos)
Clasificación da Primera Futgal A Coruña: 1. Fabril FC Alevín e SD Acea de Ama, 12 puntos; 3. CD Calasanz, 10 puntos; 4. Alevín A e Olímpico CF, 9 puntos; 6. Atlético Coruña Montañeros CF, Victoria CF, ED Luis Calvo Sanz e Ural Español CF, 7 puntos... 13. Betanzos CF, 1 punto...
Categoría benxamín
5ª xornada: BENXAMÍN A - ED LUÍS CALVO SANZ, o sábado 25 de outubro ás 12:30 na Torre (campo 1.1)
5ª xornada: ATLÉTICO ARTEIXO - FABRIL FC BENXAMÍN, o sábado 25 de outubro ás 10:15 en Ponte dos Brozos
Clasificación da División de Honra: 1. Benxamín A, 12 puntos; 2. CD Calasanz, 10 puntos; 3. Fabril FC Benxamín, Sada CF e Santa Cruz CF, 9 puntos; 6. ED Luis Calvo Sanz, 7 puntos... 16. Atlético Arteixo, 0 puntos