O DéporCampus Cabreiroá de Carballo volverá ás Eiroas a próxima Semana Santa co formato de tres xornadas de adestramento, durante os días 29, 30 e 31 de marzo. A actividade está destinada aos nenos e nenas entre os 6 e os 14 anos, con cotas de inscrición que oscilan entre os 65 e 75 euros.
O acto de presentación tivo lugar o pasado martes día 9 de marzo nas instalacións do campo municipal das Eiroas, en Carballo, coa presenza de Jesús Capelán (responsable de fútbol base das Escolas Luis Calvo Sanz), Pablo Barros (coordinador de actividades formativas da Fundación RC Deportivo) e Fran González (director de fútbol base do RC Deportivo).
As primeiras prazas xa se cubriron e as inscricións atópanse abertas en deporcampus.rcdeportivo.es/gl.
Para calquera dúbida ou consulta acerca da actividade ou co procedemento de inscrición, os interesados poden escribir á dirección de correo electrónico deporcampus@rcdeportivo.es.
