Para Augusto César Lendoiro, "leste é o primeiro paso para o Deportivo do século XXI" e engadiu que esperaba que con esta fichaxe "comecen a tomar máis forza os xogadores galegos". O presidente branquiazul resaltou o feito de que a fichaxe sexa a longo prazo, sete anos "nos que o xogador terá todas as ilusións e o tempo para demostrar a súa calidade e goles en Primeira".
Para Changui leste é "un soño inalcanzable feito realidade" dixo e describiu a súa fichaxe como un gran paso na súa carreira resaltando que o primeiro que vai facer "é aprender deste persoal con tan bos xogadores e con experiencia".
Changui naceu o 10 de abril de 1977. Procedente da S.D. Compostela, na última campaña marcou 15 goles converténdose nun dos máximos anotadores da categoría. O xogador mide 182 centímetros e pesa 75 quilos.
