Mañá martes 8, día festivo, haberá xornada de fútbol en Abegondo, con citas ligueiras para Fabril, Deportivo ABANCA B e Xuvenil B.
O Fabril recibe á Agrupación Estudantil ás 12:00 con motivo da 9ª xornada de liga no subgrupo A de Terceira División.
Juan Carlos Valerón ten para o partido as baixas de Juan Cambón, sancionado; e de Iñigo Reinoso, Boedo e Pescador, lesionados. O técnico fabrilista citou aos xuvenís Juan Rodríguez e Guille Bueno.
Ás 11:00, o Xuvenil B mídese ao EF Lalín en partido correspondente á 2ª xornada que foi aprazado o pasado 14 de novembro por un caso positivo de COVID-19 no conxunto dezano.
Pola tarde, a partir das 17:00, o Deportivo enfróntase ao CD Valladares, en encontro da 5ª xornada que foi suspendido o pasado 21 de novembro por un caso positivo de COVID-19 no conxunto vigués.
Así pois, o calendario de mañá en Abegondo é o seguinte:
Terceira División
9ª xornada: FABRIL - AGRUPACIÓN ESTUDANTIL, ás 12:00 no campo principal
Clasificación do subgrupo A: ... 3. Racing Villalbés (un partido menos), 11 puntos; 4. CSD Arzúa (un partido menos) e Viveiro CF (un partido menos), 10 puntos; 6. Polvorín FC (tres partidos menos) e Fabril, 9 puntos; 8. SD Fisterra (un partido menos), Silva SD (un partido menos) e CD As Pontes, 8 puntos...
Categoría feminina
5ª xornada: DEPORTIVO ABANCA B - CD VALLADARES, ás 17:00 (campo 5)
Clasificación da Primeira Nacional, subgrupo A: 1. Viaxes InterRías FF (un partido menos), 12 puntos; 2. Victoria FC, 11 puntos; 3. Deportivo ABANCA B (un partido menos), 10 puntos; 4. UD Mos e Victoria CF (os dous cun partido menos), 9 puntos; 6. Sárdoma CF, 8 puntos...
Categoría xuvenil
2ª xornada: XUVENIL B - EF LALÍN, ás 11:00 no campo 3
Clasificación da liga Nacional, subgrupo A: 1. SD Compostela, 12 puntos; 2. Xuvenil B (dous partidos menos), CD Lugo B (un partido menos) e Pontevedra CF (un partido menos), 9 puntos; 5. Victoia CF, Racing Villalbés e Arosa SC, 7 puntos...