Michi Apóstol está concentrada coa selección venezolana sub-20 no Campionato Suramericano que se disputa durante este mes en Guayaquil (Ecuador).
Os rivais na Primeira Fase da 'Vinotinto' son Bolivia, Colombia, Brasil e Chile. Os 3 primeiros clasificaranse para a Fase Final do torneo.
A segunda cita para Venezuela neste torneo será esta próxima madrugada á 1:30 (horario español) ante Colombia no Estadio Alberto Spencer Herrera.
O primeiro partido para a futbolista branquiazul foi o pasado venres fronte a Bolivia no mesmo escenario.
A atacante deportivista xogou completo o partido e anotou no minuto 53 un do seis goles do seu equipo ante as bolivianas (6-0) mediante un disparo raso dentro da área. Ademais asistiu a Francelis Graterol no sexto tanto.
Michi Apóstol puido marcar algún gol máis por exemplo un remate ao traveseiro no minuto 36 ou un disparo que se foi lixeiramente desviado no 83.
O calendario de partidos das venezolanas no Campionato Suramericano, cos resultados dos xa xogados, é o seguinte:
Venres 12 de abril
VENEZUELA 6 - BOLIVIA 0
Mércores 17 de abril
1:30: COLOMBIA - VENEZUELA, no Estadio Alberto Spencer Herrera
Venres 19 de abril
1:30: VENEZUELA - BRASIL, no Estadio Alberto Spencer Herrera
Sábado 20 de abril
23:00: VENEZUELA - CHILE, no Estadio Alberto Spencer Herrera
Michi Apóstol é unha dos membros de #ANOSACANTEIRA que están no radar das categorías inferiores das diferentes seleccións nacionais como tamén Elena Vázquez, Lucía Rivas, Antía Veiga, Kevin Sánchez, José Rey ou Pablo García con España; Dunia Dahmouni e Amin Moustapha con Marrocos; ou Álex Delgado tamén con Venezuela.
