A Fundación Real Club Deportivo da Coruña SAD realiza unha convocatoria co obxectivo de seleccionar a un experto para participar nun programa de mobilidade internacional Erasmus+ KA171 impartindo docencia en facultades de deportes de institucións de educación superior de Albania na área do deporte (Coordinador de fútbol internacional do Deportivo A Coruña).
Esta convocatoria ten como finalidade o dotar ás organizacións de educación superior de Albania e ao seu persoal, de coñecementos e competencias relacionados con Scouting e coordinación de Fútbol.
O participante seleccionado realizará unha mobilidade á institución de educación superior de Albania Universitet Aleksander Xhuvani Elbasan durante o presente curso académico. As datas da mobilidade serán desde o 6 ao 10 de febreiro de 2025.
Requisitos de participación:
- Ser persoal dunha organización pública ou privada (á que non se concedeu unha BOTE) que se atope activa no mercado de traballo ou nos ámbitos da educación, a formación, a mocidade, a investigación e a innovación
- Ter coñecementos e experiencia demostrada a área sinalada: Desenvolvemento de proxectos educativos a través o fútbol
- Ter coñecementos da lingua inglesa, lingua na que se impartirá a docencia
Criterios de selección:
· Nivel de coñecementos e experiencia demostrada na área sinalada
· Experiencia en deseño e participación en proxectos educativos internacionais.
· Dominio da lingua inglesa
Duración e condicións da mobilidade:
· A mobilidade terá unha duración de 7 días, incluíndo os días de traballo real e 2 días considerados como a duración da viaxe.
· A mobilidade realizarase durante o curso académico 2024-2025.
· Os participantes recibirán financiamento para cubrir os gastos de viaxe e estancia conforme á normativa do Programa de Mobilidade KA171 no marco do Programa Erasmus+.
Proceso de selección:
As solicitudes deben ser enviadas a fundacion@rcdeportivo.es antes do xoves 30 de xaneiro de 2025. Notificarase persoalmente aos seleccionados mediante correo electrónico.
