Dani Barcia, convocado pola selección española sub-19 para o mini torneo de clasificación para o Campionato de Europa
Dani Barcia foi convocado pola selección española sub-19 para disputar en Luxemburgo durante a próxima semana o mini torneo de clasificación para o campionato de Europa da categoría.
O defensor coruñés incorporarase o vindeiro luns 8 de novembro á concentración do equipo nacional en Pozuelo de Alarcón (Madrid), para desprazarse ese mesmo día a Luxemburgo.
O calendario de partidos de España é o seguinte:
Mércores 10 de novembro 18:00: ESPAÑA - LUXEMBURGO, no Terrain Bousbierg Stadium de Bissen
Sábado 13 de novembro 18:00: ESPAÑA - ACERBAIXÁN, no Terrain Bousbierg Stadium de Bissen
Martes 16 de novembro 18:00: BÉLXICA - ESPAÑA, no Terrain Bousbierg Stadium de Bissen
Así pois, Dani Barcia, que esta noite está a disposición de Manuel Pablo para o partido de UEFA Youth League do Xuvenil A ante o Maccabi Haifa pero que cada fin de semana é un dos habituais no once inicial do Fabril en Tercera RFEF, perderase a visita do filial branquiazul ao Alondras CF prevista para a fin de semana do 13 e 14 de novembro.