Dani Barcia estivo concentrado coa selección española sub-19 en Luxemburgo disputando o mini torneo de clasificación para o Campionato de Europa da categoría. Os españois gañaron os dous primeiros partidos e teñen o billete para a Rolda Elite desta próxima primavera, torneo que decidirá os equipos que acudirán á Fase Final.
Hoxe martes, España mediuse a Bélxica no terceiro e último partido do mini torneo de clasificación. O choque acabou nun empate (2-2) agridoce posto que os hispanos ían gañando 2-0 e a igualada belga chegou no minuto 94. Dani Barcia, a pesar de estar a quentar na banda durante boa parte da segunda metade, esta vez non tivo minutos.
A segunda cita para o canteirán branquiazul con este combinado nacional foi o pasado sábado 13 de novembro fronte a Acerbaixán. Houbo goleada de España (6-0) e Dani Barcia xogou a segunda metade en substitución de Rubén Iranzo.
Luxemburgo foi o primeiro rival de España o pasado mércores 10. Dani Barcia foi titular e xogou completo un partido que foi para os españois (2-1), a pesar de que os luxemburgueses puxéronse por diante no marcador aos seis minutos.
Os resultados de España foron os seguintes:
Mércores 10 de novembro
ESPAÑA 2 - LUXEMBURGO 1
Sábado 13 de novembro
ESPAÑA 6 - ACERBAIXÁN 0
Martes 16 de novembro
BÉLXICA 2 - ESPAÑA 2
