Deportivo 1 - Valencia 0<br>A Deportivo gana na ida
Un Deportivo en inferioridade numérica impúxose á Valencia no partido de ida de cuartos de final da Copa do Rei disputado en Riazor. Os de Caparrós marcaron, de penalti, cando máis presionaba o rival e deixan a resolución da eliminatoria para o vindeiro m
Intensa primeira parte en Riazor, pero sen goles. O Deportivo, en inferioridade numérica tras a expulsión, protestadísima, de Duscher por vermella directa, tiña ademais a Valerón cunha aparatosa vendaxe na cabeza por unha brecha nun encontrón cun rival. O deportivista tivo que ser atendido en varias ocasións na banda.
A eliminatoria decidirase o vindeiro mércores en Mestalla, ás 22:00 horas, partido televisado por Catro.
O Deportivo apropiouse do xogo, iso si co permiso da Valencia, moi cómodo no seu papel de visitante, aínda que sen crear excesivo perigo. Despois aos poucos a Valencia foi atacando con máis intensidade a portaría de Molina, e cando máis presionaban os de Sánchez Flores, Sergio converte un penalti á media hora de xogo do segundo tempo, tras un agarrón na área sobre Capdevila.
O Deportivo saíu de inicio con Molina, Manuel Pablo, Duscher, De Guzmán, Arizmendi, Munitis, Capdevila, Valerón, Juanma, Coloccini e Iván Carril. Despois tamén xogaron Romeu, Iago e Sergio.
A Valencia saíu con Moura, Miguel, Fabio Aurelio, Marchena, Vila, Regueiro, Carboni, Navarro, Rufete, Mista e Albiol.
