Unha incomprensible decisión arbitral no fútbol formativo de expulsar a un xogador aos 8 minutos de partido de maneira moi rigorosa e non permitir ao equipo substituílo lastrou ao Fabril FC Alevín (na foto de arquivo) na súa visita ao Sada CF (4-2) no primeiro partido da Fase polo Título da Primera A Coruña de fútbol 8.
O formato de competición é de liga todos contra todos a dobre volta. Ao concluír, os 3 primeiros accederán á Fase Intermedia do Campionato Galego.
Os rivais dos branquiazuis son ademais o San Tirso SD, CD Calasanz, ED Luis Calvo Sanz e Deportivo.
Hugo Álvarez e Miguel Candal foron os goleadores nun partido condicionado por esa decisión do colexiado.
Fabril FC Alevín: Brais Araújo, Íker Ferreiro, Xiao Fontao, Hugo Bujía, Thiago López, Alejandro Astray, Hugo Álvarez e Miguel Candal. Tamén xogaron: Nico Rodríguez-Ponce, Pablo Sánchez, Hugo Oliveira e Hugo Quintela.
O próximo rival do conxunto que prepara Jorge Queijeiro é o San Tirso SD, o xoves 21 de marzo ás 19:00 en Abegondo, en choque adiantado ao fin de semana.
