Desde o luns 13, con cita previa, ábrese a posibilidade de dar altas de novos abonos de temporada

O RC Deportivo activa a operativa para poder dar de alta novos abonos para a Temporada 2021-2022.

A posibilidade de dispor de asento con novo abono habilitarase en dúas fases e en ambos os casos será necesario solicitar cita previa para realizar a xestión. A cita previa hai que solicitala sempre en citaprevia.rcdeportivo.es.

De luns 13 a venres 17 de setembro só poderán darse de alta como abonados con asento asignado o Socio Amigo e Nen@ Dépor da temporada pasada ou xa renovados esta que, para o que queda de curso, desexen cambiar de modalidade e pasar a ter carné con acceso ao resto dos partidos do ano.

A partir do luns 20 de setembro, sempre con cita previa na web citaprevia.rcdeportivo.es (importante: seleccionar o desplegable situado baixo EVENTOS "Campaña de Abonos 2021/22 - Cambios de modalidade e altas novas" e elixir as datas dispoñibles) poden darse de alta como novas socias e socios todos os Deportivistas que o desexen até completar ao actual aforamento permitido para o Estadio ABANCA-RIAZOR.

As horas de cita previa atópanse enmarcadas dentro do horario de atención ao público da Oficina de Atención ao Deportivista, de luns a venres, de 10:00 a 13:30 e de 16:30 a 19:00 h.

Ademais, segue sendo posible renovar o abono da pasada temporada sen cita previa nin esperas, as 24 horas do día en rcdeportivo.es/abonos.