Como cada día de partido en Riazor, os despachos de billetes do Pazo dos Deportes de Riazor permanecerán abertos desde as 11:00 h. e ata o comezo do Dépor-Atlético de Madrid (20:45 h.). Ademais de entradas para o choque de hoxe na Coruña, poden comprarse tamén billetes para o Sporting-Dépor (domingo 5, 12:00 h. El Molinón) e Dépor-Betis (mércores 8, 18:45 h. Riazor), este último con oferta especial para os 25.333 accionistas do Dépor.
As entradas para os grandes partidos da segunda volta: Barça (12 de marzo), Celta (19 de marzo) e Real Madrid (fin de semana do 26 de abril) tamén se poden comprar hoxe aí, ademais de abonos para todos os partidos que quedan en Riazor.
Calquera incidencia en xeral relacionada cos abonos será atendida no Pazo dos Deportes de Riazor, mentres que a Oficina de Atención ao Deportivista permanecerá aberta hoxe deas 10:00 a 13:30 e de 16:30 ata o inicio do partido para atención ao socio, ao accionista, ás penas e entrega de entradas de colectivos.
