Tal e como informou Radio Nacional, o xogador bateu a marca de César e de Dei Stéfano, que xogaron senllos encontros oficiais pasados os 39 anos. Donato disputou 450 partidos na liga española, 268 deles co Deportivo pero xogou, ademais, os encontros de UEFA, Liga de Campións e Copa do Rei. O xogador debutou en España o 3 de setembro de 1988.
Na década dos 30 un xogador, Lowe, adestrador da Real Sociedade, xogou un partido sen ficha aos 44 anos de idade ao non ter xogadores dispoñibles.
Donato é internacional absoluto coa selección española, chegou ao noso fútbol procedente do equipo brasileiro Vasco dá Gama e gañou catro Copas do Rei (dous co Atlético de Madrid e dous co Deportivo). Tres Supercopas de España (Deportivo 1995, 2000 e 2002) así como unha Liga Española (Deportivo 1999- 2000). Ten, por tanto, do mesmo xeito que Fran e Mauro Silva, no seu palmarés todos os títulos oficiais do Deportivo da Coruña.
