Os futbolistas titulares onte ante o Granada CF tiveron esta mañá sesión de recuperación en Abegondo. Así, Juanfran, Arribas, Sidnei, Luisinho, Borges, Marlos, Emre Çolak e Andone realizaron carreira continua e estiramentos no campo. Logo, pasáronse polo ximnasio e a padiola de masaxe. Guilherme e Carles Gil nin sequera pisaron o céspede.
Para Álex Bergantiños, Mosquera, Albentosa, Joselu, Tytoń, Laure, Fayçal, Bruno Gama, Kakuta, Ola John e Roef; ademais dos fabrilistas Óscar e Nacho Monsalve, o adestramento foi intenso. Houbo un quecemento, exercicio de posesión e fútbol en espazo reducido. Fernando Navarro tivo tratamento médico e de fisioterapia.
Mañá venres, o equipo adestrarase en Abegondo ás 10:30, na última sesión previa ao partido ante o Sevilla no Estadio Sánchez Pizjuán, deste sábado 8 de abril ás 18:30 (Bein Sports).
