Duacode, Vales & Asociados e Quirónsalud, patrocinadores do Dépor Genuine, e a Asociación de Veteranos do RC Deportivo súmanse á festa de #ONOSODERBI Genuine, o partido entre Dépor Genuine e Celta Integra que se celebrará o domingo 8 de outubro ás 12:00 h. na Cidade Deportiva de Abegondo.
A Fundación RC Deportivo organiza unha xornada de convivencia na matinal do domingo, á que foi convidado ao Celta Integra, equipo Genuine do RC Celta de Vigo, coincidindo co encontro da 7ª xornada do Grupo 1 de Primera Federación entre o RC Deportivo e o RC Celta Fortuna.
Os patrocinadores do Dépor Genuine, Duacode, Vales & Asociados e Quirónsalud, tamén participarán na festa, do mesmo xeito que os Veteranos do Dépor. O partido consistirá en seis períodos de dez minutos cada un. Os dous primeiros tempos disputaranos os compoñentes de Dépor Genuine e Celta Integra. Durante os outros catro, membros dos patrocinadores e os Veteranos do Dépor mesturaranse con eles.
Tralo encontro, celebrarán unha comida como terceiro tempo e posteriormente continuarán en horario xa de tarde como convidados o Estadio ABANCA-RIAZOR, para presenciar in situ, a partir das 19:00 h., o encontro ligueiro entre branquiazuis e celestes.
O RC Deportivo quere agradecer a Duacode, Vales & Asociados e Quirón Saúde o compromiso na posta en marcha desta iniciativa e no seu apoio ao Dépor Genuine.
