Os Reyes Magos foron branquiazuis hoxe venres 3 de xaneiro. Como é tradicional en cada arranque de ano, varios futbolistas do Dépor e do Dépor ABANCA repartiron ilusión, simpatía e agasallos deportivistas entre todos os nenos e nenas que desgraciadamente teñen que pasar estas datas ingresados.
Asistiron ás súas Maxestades nestas emocionantes visitas Massimo Benassi, conselleiro delegado do RC Deportivo; e Vicente Fernández, conselleiro.
Pablo Martínez, David Mella, Henar e Yohana visitaron o Hospital Quirónsalud A Coruña ás 14:30.
Acompañado polo persoal médico do centro de referencia do Deportivo, os e as futbolistas foron pasando, visiblemente emocionados, polas habitacións entre o sorriso e o agradecemento de familiares e protagonistas.
Apenas a un quilómetro de distancia, Dani Barcia, Mario Soriano, Paula Gutierrez, Marina Artero e Raquel fixeron o propio no Hospital Materno Infantil Teresa Herrera.
Así pois, mañá emocionante para os pequenos, as súas familias e o persoal sanitario; que terá continuidade este domingo 5 de xaneiro ás 11:00 cun adestramento a porta aberta até completar a bancada do campo principal da Cidade Deportiva de Abegondo.
