Empezou o partido con ambos os equipos con ganas de xogar e gañar, pero aos poucos o estado do terreo de xogo foi apagando o partido e deslucindo o fútbol. Os dous equipos, ante esta situación, envorcáronse nas xogadas a balón parado, pero sen acerto. Juanito caeu na área con Molina, o colexiado sinalou penalti e Fernando tirouno. Molina aguantou e parouno, polo que o partido continuou igual.
No segundo tempo os cambios permitiron ver boas xogadas, pero sen goles.
Ao final o Deportivo tráese un valioso punto e afronta a xornada de Liga de Campións do martes ante a AEK coa tranquilidade que dan os primeiros postos da táboa.
