Os afeccionados deportivistas poden comprar desde o luns 9 de decembro ás 10:00 horas nos despachos de billetes da Oficina de Atención ao Deportivista do Estadio ABANCA-RIAZOR as entradas postas a disposición pola SD Ponferradina para o partido da 20ª xornada de LaLiga SmartBank que se disputará no Estadio do Toralín o sábado 14 de decembro ás 18:00 horas (Movistar #Vamos).
As entradas venderanse até o xoves 12 de decembro ás 13:30 horas. A OAD, na avenida de La Habana s/n, abre entre semana de 10:00 a 13:30 e de 16:30 a 19:00 horas.
O prezo das entradas para a afección deportivista é de 25 euros aínda que, grazas ao convenio de Afeccións Unidas e LaLiga, as 140 primeiras entradas despachadas (do total de 683 dispoñibles) terán un custo de 15 euros. Cada socio poderá adquirir un máximo de 2 localidades co seu carné, só 2 entradas por persoa en portelo, e será imprescindible mostrar o DNI tanto do socio como do segundo destinatario dos tickets ou unha fotocopia/imaxe dixital dos mesmos (o outro debe ser o propio socio que adquire as entradas).
Os peñistas poderán adquirir as súas entradas a través da Federación de Peñas, que en virtude do convenio co Club, xestionará o 40% do aforamento deportivista dispoñible.
