Para o partido de ida de semifinal do playoff de ascenso a LaLiga, do próximo domingo 4 de xuño ás 19:00 h. contra o CD Castellón, póñense entradas a disposición da afección que queira acudir ao Estadio ABANCA-RIAZOR e que non teña carné do Dépor 22-23.
As socias e socios do Deportivo poden acceder directamente co seu carné en formato físico ou dixital (este último a través da APP RC Deportivo:https://rcdeportivo.es/app).
L@s soci@s simpatizantes (Soci@ Amig@ e Nen@ Dépor), tal como se indica nas condicións do seu abono, están excluídos do acceso libre aos partidos de playoff, pero si dispoñen da vantaxe exposta a continuación:
Ademais do acceso sen pagar suplemento, todas as persoas socias do RC Deportivo terán, en agradecemento ao seu compromiso, 24 horas de preferencia na compra de entradas para este partido: entre as 12 do mediodía do martes 30 e as 12 do mediodía do mércores 31, podendo comprar un máximo de 4 entradas por carné.
A partir das 12:00 h. do mércores 31 eliminarase o filtro de compra para socias e socios do RC Deportivo e calquera persoa afeccionada poderá adquirir a súa localidade para o encontro.
Os prezos das entradas para o público oscilan entre os 40 euros das Tribunas e os 25 de Preferencia Inferior, Pavillón Inferior e Marathón Inferior.
As entradas poden adquirirse a través da páxina: https://bancada.rcdeportivo.
O día do partido, as entradas poden comprarse nos Despachos de billetes do Palacio dos Deportes de Riazor desde 3 horas antes do comezo, as 16:00 h., e até o arranque do encontro.
