O SD Logroñés puxo á venda as entradas para a afección deportivista para o encontro da 23ª xornada do grupo 1 de Primera Federación que se disputará no estadio de Las Gaunas, en Logroño, o sábado 10 de febreiro ás 18:00 horas.
O club rioxano asignou un total de 2.000 asentos na bancada de Fondo Sur para os afeccionados visitantes. As entradas teñen un prezo de 15 euros (adulto), 10 euros (entre 14 e 17 anos) e 5 euros (menor de 13) e pódense adquirir nesta ligazón.