-Foto:@rfef.es
Lucía Rivas (na foto na fila do medio a segunda futbolista empezando pola dereita) proclamouse en Suecia coa selección española sub-17 campioa de Europa e colle así a substitución de Teresa Abelleira, Malena Mieres e Nuria Rábano, campioas europeas tamén sendo xogadoras branquiazuis pero en categoría sub-19.
Hoxe sábado 18 de maio no Malmö Idrottsplats de Malmö as españolas golearon (0-4) a Inglaterra selando un brillante torneo. A canteirá branquiazul seguiu o choque desde o banco.
O mércores 15 de maio agardaba Francia nas semifinais.
España foi moi superior ás vixentes campioas, goleou (6-1) con 6 tantos nos primeiros 31 minutos e meteuse pola porta grande na final, que leva ademais unha praza para o Campionato do Mundo.
Lucía Rivas arrincou o partido no banco e saltou ao campo no minuto 60 en substitución de Lúa Arufe.
A selección española sub-17 concluíu o pasado domingo 19 ante Bélxica a Primeira Fase do torneo.
A futbolista do Dépor ABANCA foi titular noutra goleada española (0-5) e dispuxo dalgunha boa ocasión para marcar, como un remate que se lle marchou alto desde a frontal da área pequena. Foi substituída no minuto 72 por Lúa Arufe.
Con este resultado, España sumou 3 triunfos nos 3 partidos da Primera Fase, co do luns 6 de maio ante Portugal (3-0) e o do pasado xoves 9 ante Polonia (1-0).
Lucía Rivas tamén tivo minutos de xogo no encontro ante as portuguesas, ao substituír a Ainoa Gómez no 82.
Os resultados de España foron os seguintes:
Luns 6 de maio
ESPAÑA 3 - PORTUGAL 0
Xoves 9 de maio
ESPAÑA 1 - POLONIA 0
Domingo 12 de maio
BÉLXICA 0 - ESPAÑA 5
Semifinais
Mércores 15 de maio
ESPAÑA 6 - FRANCIA 1
Final
Sábado 18 de maio
INGLATERRA 0 - ESPAÑA 4
Lucia Rivas é un dos membros de #ANOSACANTEIRA que están no radar das categorías inferiores das diferentes seleccións nacionais como tamén Elena Vázquez, Antía Veiga, Claudia Sande, Kevin Sánchez, José Rey ou Pablo García con España; Dunia Dahmouni e Amin Moustapha con Marrocos; ou Álex Delgado e Michi Apóstol con Venezuela.
