Saíu ben o Albacete nos primeiros compases de partido, pero aos poucos o Deportivo foise facendo co control do partido ata acabar esta primeira metade cun dominio territorial absoluto. Iso si, a Alba, ben colocado, impediu que os atacantes deportivistas creasen problemas serios a Valbuena, que si tivo traballo durante practicamente todos os 45 minutos. Unha das mellores ocasións foi un disparo afastado pero moi potente de Duscher que se foi fóra por pouco e un centro-chute de Vìctor pola dereita, que, tras tropezar involuntariamente en Valerón, está a piques de descolocar á meta manchego.
Pena, do Albacete, e o deportivista Capdevila recibiron as únicas cartolinas amarelas mostradas por Losantos Omar.
Na segunda parte o Dépor, con Tristán e Scaloni que substituíran a Fran e Pandiani, saíu envorcado sobre a área manchega e esa constante mantívose ata o final do partido. En dous minutos, dúas ocasións. Un cabezazo de Duscher que Valbuena despexou en dous tempos _nesta acción a meta da Alba lesionouse na boneca da súa man dereita e tivo que ser substituído por Gaspercic e un tiro afastado de Scaloni que se foi alto por pouco..
A ocasión máis clara foi no minuto 64, cando ata en tres ocasiones disparon os deportivistas á portaría de Gaspercic, pero nunhas o porteiro visitante e na última de Duscher o pau, evitaron o gol deportivista.
A presión foi insistente durante todo o partido, con varios disparos
con perigo de Duscher, Munitis (que entrara por Víctor)...
Finalmente non puido chegar o ansiado tanto da vitoria e o
Albacete rabuñou un punto de Riazor.
O once inicial deportivista estaba composto por: Molina, Héctor, Pablo Amo, Andrade, Capdevila, Duscher, Fran, Víctor, Valerón, Pandiani e Luque.
O once inicial do Albacete: Valbuena, Óscar Montiel, Gaspar, Francisco, Marc González, Jaime, Redondo, Álvaro, Pena, Pacheco, Buades.
Carlos Pita entrou a última hora na convocatoria do Deportivo. Changui, con febre, quedou no seu domicilio e por conseguinte non estará hoxe entre os dispoñibles para Javier Irureta.
Pita sentará no banco, ademais de Munúa, Romeu, César, Munitis, Scaloni e Diego Tristán.
