O centrocampista, criticado polas súas actuacións fóra de Riazor.
FRAN: ?CADA PARTIDO É DIFERENTE E NON SEMPRE SAEN As COUSAS BEN?
O xogador máis importante do Deportivo, Fran, está a comezar a ser discutido, sobre todo polas súas actuacións lonxe de Riazor, posto que neste escenario continúa mantendo o alto nivel de bo xogador. O pasado domingo, en Elxe, o centrocampista foi sustituído no descanso, debido a que Arsenio Igrexas non estaba nada conforme co labor que realizaba sobre o céspede do Martínez Valero.
-Que é o que ocorre Fran?
-Creo que non pasa nada. O outro día non me saían as cousas como me saían e o adestrador decidiu substituírme. Non creo que haxa que darlle tanta importancia ao asunto.
-Arsenio parece que non está demasiado satisfeito das actuacións fóra de casa, non só desta última...
-É certo que non estamos a render a plena satisfacción fóra de casa nos partidos que levamos disputados, pero non creo que sexa eu só, senón que en xeral o equipo aínda non callou un encontro como adoitabamos facer o ano pasado nos nosos desprazamentos.
-O feito de que cada vez reciba marcaxes máis severas e mesmo violentos, provoca o teu baixo rendemento fóra de casa?
-Estamos a levar moitas patadas, eu e outros compañeiros. Pero tampouco é algo que me asuste e que faga que me retraiga cando estou sobre un campo de fútbol. Mesmo no último partido disputado fóra, o meu marcador actuou con moita nobreza. Non todos os partidos son iguais e tampouco van saír as cousas perfectas en cada unha delas.
[Continuará...]
