Hoxe preséntase oficialmente na FIFA a Candidatura Ibérica ao Mundial 2018
Do mesmo xeito que sucedese o pasado sábado no partido ante o Mallorca en Riazor, o Deportivo continuará co seu campaña de apoio á Candidatura Ibérica a organizar o Mundial 2018 de fútbol cunhas escarapelas nas camisetas
A Coruña é unha das posibles sedes para albergar os partidos do Mundial no caso de que a organización recaia finalmente na Candidatura Ibérica que forman España e Portugal.
Precisamente hoxe venres terá lugar a presentación oficial da candidatura ibérica na sede da FIFA en Suíza, segundo recollen na súa edición de hoxe os principais diarios deportivos españois. A delegación hispano-portuguesa estará formada polos secretarios de Estado de ambos os países, Jaime Lissavetzky e Laurentino Días, e polos presidentes das dúas federacións, Villar e Madaíl. Así, o Diario As cualifica a España e Portugal como as grandes favoritas para organizar o Mundial e os seus principais 'inimigos' son Rusia e Inglaterra.
