Inês Pereira está concentrada con Portugal para disputar dous partidos amigables nesta xanela FIFA, na última citación internacional de 2025.
Así, a porteira deportivista enfrontarase a Brasil este martes 2 de decembro no Estadio Municipal de Aveiro a partir das 19:45 (hora local, 20:45 en Galicia)
Coas brasileiras, Portugal enfrontouse 2 veces e en ambas saíu derrotado.
O pasado venres 28 de novembro ante Países Baixos no Estadio Municipal de Braga a futbolista branquiazul seguiu o encontro desde o banco.
Antes de comezar, Inês Pereira, xunto ás súas compañeiras Ana Capeta, Andreia Jacinto e Catarina Amado, foi premiada polas súas 50 citacións coa selección.
O calendario de partidos, cos resultados dos xa xogados, é o seguinte:
Venres 28 de novembro
PORTUGAL 1 - PAÍSES BAIXOS 2
Martes 2 de decembro
19:45 (horal local, 20:45 en Galicia): PORTUGAL - BRASIL, no Estadio Municipal de Aveiro
Ao concluír este encontro, Inês Pereira incorporarase aos adestramentos co Dépor ABANCA.
A gardameta branquiazul suma até a data 11 partidos xogados en Liga F, todos eles de titular.
