RCDeportivo RCDeportivo RCDeportivo
GL
PORTADA

Juergen Elitim asegura estar feliz no Dépor pero "a miña mente está no partido a partido, en conseguir ese ascenso"

Juergen Elitim asegurou esta mañá, nada máis recoller o Premio Estrella ao mellor xogador do Deportivo no pasado mes de xaneiro, que o equipo superou a derrota do domingo "con normalidade, igual que cando gañamos. O luns falámolo, vímolo tamén. Hoxe vimos dese día libre a iniciar unha nova semana e xa pensando nos próximos novos retos".

Lamentouse de que a pesar do seu gol, de bela factura e que supuña o 1-2 no marcador, "non nos acompañou o resultado. Estou encantado de marcar o meu primeiro gol con esta camiseta".

Co partido ante o Real Racing Club fixado o vindeiro mércores 16 noutra semana de tres partidos, o futbolista colombiano lembra que "o Club o solicitou para esa data. En canto á hora, creo que se decidiu hai poucos días. Temos tempo para planificalo ben, tanto a viaxe a Logroño, que é o primeiro, como logo ese partido contra o Racing".

Recoñece que hai que ter en conta que viu xa catro amarelas e por conseguinte, está a un cartón de ter que cumprir un partido por sanción: "Está claro que o partido contra o Racing é un partido que todos queremos xogar, que é importante para a nosa temporada, pero primeiro está Logroño. Hai que ir a polos tres puntos e pensar primeiro niso".

Comenta respecto diso que "a maioría dos meus cartóns son por reclamos, por falar. Ultimamente vén aplicando xogo bastante agresivo en canto a nós, pero debemos axustarnos, debemos aceptar as circunstancias e tentar evadir o tema dos árbitros e centrarnos na pelota".

Aínda que considera canto menos "rechamante" que ao Dépor só fóronlle sinalados dous penaltis no que vai de temporada: "Déronse varias xogadas bastante polémicas dentro da área. Nós estamos tranquilos, tentamos facer o noso traballo. Tivemos a mala fortuna de fallar os dous últimos penaltis, pero son situacións de fútbol. Pódense dar e seguro mellorarémolo".

Preguntado polo seu futuro, reitera que "estou feliz aquí, díxeno sempre. Estou contento, estou cómodo, síntome ben e síntome querido. En canto ao futuro, a miña mente está posta no partido a partido, no obxectivo co Deportivo en conseguir ese ascenso e a partir de aí en canto a futuro, xa tomaremos a decisión".