Os internacionais Lampropoulos e Montero incorporáronse esta tarde aos adestramentos co Deportivo, nunha sesión a porta pechada en ABANCA-RIAZOR que Luis César trasladou ao horario vespertino precisamente para contar cos dous centrais.
Faltou unicamente Gaku, cuxa longa viaxe de regreso desde Xapón impediulle chegar a tempo ao único adestramento de hoxe mércores do primeiro equipo.
Luis César, após un quecemento, dispuxo un partido táctico 11 contra 11 a todo o campo, co obxecto de preparar a visita do AD Alcorcón a ABANCA-RIAZOR, este sábado 23 de novembro (18:00 horas, Movistar LaLiga).
Tiveron adestramento específico Jovanović, Salva Ruiz e David Simón. Finalmente, os fabrilistas Boian, Mujaid, Gandoy, Valín e Kanouté estiveron esta tarde co primeiro equipo.
Mañá xoves, o cadro regresa a Abegondo a partir das 11:00 horas.
