A RC Deportivo Fundación, de cara ao encontro do Deportivo ABANCA deste domingo 21 de decembro (12:00) fronte á Real Sociedad en Copa de la Reina, reactivou a Bancada Solidaria de ABANCA-RIAZOR, unha iniciativa na que cada partido destina unha ampla cota de entradas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade.
Atendendo á política de transparencia e Responsabilidade Social Corporativa (RSC) do RC Deportivo e da súa Fundación, sempre se publican as entidades que fan uso da bancada solidaria, que son para este partido as seguintes: Real Instituto Benéfico Social Padre Rubinos, Yarama África, Les Coruña, Hogar Sor Eusebia, Centro de Protección de Menores, Asociación Participa para a Inclusión, ASPRONAGA, Fundación Nortempo e CR Calo.
Para solicitar entradas para a Bancada Solidaria, limitadas a 10 por asociación, o formulario está dispoñible nesta ligazón.
