Antonio Hidalgo pediu na sala de prensa do Nou Estadi Encamp "ser consecuentes coa idea. Cando non ganas tes que matizar cousas porque iso quere dicir que non estás todo o axustado que deberías".
Nesta liña, trazou a folla de ruta para Os Nosos: "Agora descansar, seguir matizando cousas e mellorar. Tivemos unha xeira de partidos que sumamos moito antes. Agora non. Levamos 32 puntos, unha boa cifra de puntos".
Iso si, razoa que "se nos dixesen hai 3 semanas que nos iamos a quedar con estes puntos non estariamos contentos. Eu o primeiro".
O preparador branquiazul explica a segunda parte do Dépor con que "isto vai de 90 minutos. Cando es mellor que o rival como fomos na primeira parte tes que porte por diante no marcador. Esa é a importancia dos goles nesta categoría".
Lembra que o FC Andorra "leva facendo as cousas ben moito tempo. Levan traballando moitísimo tempo coa mesma idea. Na primeira parte non nos crearon perigo. Iso acumúlache un desgaste e empézasche a afundir. Aínda así tivemos a de Villares e a de Loureiro, esta clarísima. Póñome a buscar ocasións claras do FC Andorra e non atopo tantas. Pero nese dominio empézanche a faltar pernas e hai que darlle voltas".
Conclúe o técnico deportivista que "os partidos nesta categoría duran 90 minutos e tes que ter esa sensación de sufrir os malos momentos. Aínda así o equipo seguiu empuxando pero é unha derrota máis".
Finalmente Antonio Hidalgo puxo o punto e final á súa rolda de prensa cunha denuncia: "No mundo do fútbol pódese dicir calquera cousa a todo o mundo. E chega un momento no que non podemos ter a xente detrás do banco insultando constantemente. Se paramos os partidos por outras cousas, haberá momentos en que teñamos que levantar a voz e alguén terá que dicir algo. Non vale todo".
