Lucas Noubi está concentrado coa selección de Bélxica sub-21 para dous partidos nesta xanela FIFA.
O primeiro deles está fixado este venres 27 de marzo ás 20:00 ante Austria, clasificatorio para o Campionato de Europa da categoría, no The King Power Stadium na localidade belga de Lovaina.
Con 4 partidos xogados no grupo I hai un triplo empate a 7 puntos na cabeza da clasificación entre austriacos, belgas e daneses.
O segundo choque é de carácter amigable e xogarase o luns 30 ante Países Baixos no Seacon Stadium en Veno (Países Baixos).
O central deportivista incorporouse o pasado luns 23 de marzo á concentración do equipo nacional e, por este motivo, será baixa no encontro do Dépor ante o Sporting de Gijón no Estadio de El Molinón - Enrique Castro 'Quini' previsto para este sábado 28 de marzo ás 21:00 horas (LaLiga TV Hypermotion, TVG, GOL e Cayo TV).
