Manuel Pablo asegura que o Fabril, conseguido o título de Segunda Federación e o ascenso, "vai seguir na mesma liña", e pon como exemplo o partido da pasada fin de semana ante o Salamanca CF UDS, "que se xogaba as súas opcións de estar en play off".
O técnico fabrilista lembra que hai obxectivos que cumprir como "o de conseguir máis vitorias, máis goles, encaixar os menos posibles... obxectivos colectivos como individuais. Esa é a liña a seguir".
Asegura que "estamos a adestrar na mesma liña que viñamos antes porque somos ambiciosos nese sentido".
Define ao Real Valladolid Promesas, rival este domingo 26 de abril ás 12:00 (YouTube RC Deportivo) no campo Arsenio Iglesias como "un equipo que leva 1 gol menos que nós. Ofensivamente teñen calidade como todos os filiais. É verdade que defensivamente sofren".
Así pois, as claves do encontro para Manuel Pablo están en "tentar estar xuntos, non cometer perdas en situacións de inicio e tentar facer dano en ataque".
