-Foto:@https://x.com/FemeninoFVF
Michi Apóstol (na foto na primeira fila con dorsal 16) estivo concentrada coa súa selección, Venezuela, para dous partidos correspondentes á CONMEBOL Liga de Nacións 2025.
A segunda cita foi esta pasada madrugada en Galicia fronte a Perú no Estadio Metropolitano de Lara.
Goleou a 'Vinotinto' por 6-0 e acaba 2025 á fronte da clasificación do torneo con 8 puntos.
Ante as peruanas, Michi Apóstol seguiu o partido desde o banco e non chegou a saltar ao céspede.
O primeiro dos partidos foi na madrugada do venres ao sábado fronte a Ecuador no Estadio Rodrigo Paz Delgado de Quito.
A canteirá deportivista tampouco tivo minutos nun encontro que acabou en empate sen goles (0-0).
Michi Apóstol incorpórase este venres 5 de decembro aos adestramentos co Dépor ABANCA.
Os resultados da futbolista branquiazul foron os seguintes:
Venres 28 de novembro
ECUADOR 0 - VENEZUELA 0
Martes 2 de decembro
VENEZUELA 6 - PERÚ 0
No que vai de temporada, Michi Apóstol participou en 3 partidos en Liga F e tamén foi titular no partido de Copa de la Reina disputado no Estadio Parque Atlántico de Las Palmas de Gran Canaria ante o Guiniguada Apolinario CD.
No Dépor ABANCA B, a internacional venezolana xogou 9 partidos, todos eles de titular, e anotou 2 goles.
