Noite aciaga<br>O Deportivo cae por goleada en Mónaco
Goleada histórica a que se trae o Deportivo de Mónaco nunha noite aciaga para os branquiazuis. Os de Irureta caeron por 8 a 3 e non polo ben que xogou o conxunto monegasco. Dous goles locais en apenas dez minutos serviron para descolocar aos deportivistas
Os de Deschamps adiantáronse aos 2 minutos de xogo, cando os deportivistas apenas se situaron. Este gol de Rothen abriu o camiño e desorientó ao conxunto herculino que aos 10 minutos recibía outro tanto de Giuly. Despois Prso, en dúas ocasións, batería a Molina. Antes do descanso o Deportivo recortaba distancias cun gol de Tritán e outro de Scaloni. Pero Prso, no desconto, encargábase de botar outro xerro de auga fría sobre as esperanzas coruñesas deixando o marcador no descanso con 5 a 2.
Na continuación, Javier Irureta deu entrada a Munitis e Munúa, pero a tónica do partido seguiu igual. Plasil e Prso de novo, anotaban no 47 e 48 e aínda que Tristán marcou no 52, xa era tarde. No 67 Cissé puña o 8 a 3 no marcador nunha noite para esquecer polos coruñeses.
No outro partido do Grupo, o PSV gañou á AEK por 2 a 0.