A futbolista do Deportivo ABANCA Nuria Rábano foi titular no primeiro partido da Selección Española Sub-19, ante Irlanda do Norte, no Campionato de Europa Sub-19 que se xoga precisamente en Irlanda do Norte.
Nuria xogou 67 minutos no xusto triunfo español (0-2). Foi relevada por Natalia Ramos, nun partido dominado de principio a fin pola Selección, que xerou múltiples ocasións de gol.
Este venres 11, Alemaña será o rival das españolas.
O calendario da Primeira Fase do conxunto español é o seguinte:
Martes 8 de agosto
IRLANDA DO NORTE 0 - ESPAÑA 2
Venres 11 de agosto
15:00: ALEMAÑA - ESPAÑA, no Shamrock Park de Portadown
Luns 14 de agosto
19:00: ESPAÑA - ESCOCIA, no Mourneview Park de Lurgan
Os dous primeiros de cada grupo pasan ás semifinais, que se xogarán o xoves 17 de agosto.
