O aniversario da Rianxeira en óptica branquiazul
De entre os centos de festas que se celebran en Galicia nestas datas, unha das máis tradicionais é a celebrada en honra da Virxe da Guadalupe en Rianxo, vila situada nunha comarca, a do Barbanza, con crecente vinculación deportivista. Nestes días divulgou
E foi o marco das festas rianxeiras, o que serviu para vincular unha vez máis o nome do Real Club Deportivo con Galicia e a súa cultura. Non en balde permitiu lembrar o demostrado hai tempo por reputados investigadores en relación coa importancia histórica que tivo o R.C.Deportivo na divulgación e popularización da gloriosa ?Rianxeira?. No seu día quedou perfectamente claro, como demostrou o historiador José Antonio Durán ?autor de numerosos artigos e libros sobre Historia Contemporánea de Galicia- devandito papel no contexto do primeiro ascenso deportivista á División de Honra, no cal as xentes cantaban unha canción: ?A Rianxeira?.
Aquilo aconteceu en 1941 e por tanto non constitúe nada novo. A ?Rianxeira? foi entoada centos de veces na contorna deportivista: desde na despedida da xira venezolana o 22 de xuño de 1976, ata de forma incansable nos fondos do estadio na época do ?Camiña ou Rebenta?, período no que outra emblemática canción galega, ?Ou Miudiño?, tamén se fixo tipicamente riazoreña. Por non falar doutros clubs coruñeses, como o H.C.Liceo, que festexou un Campionato de Liga en Alcobendas entoando a popular canción desde o centro da pista madrileña.
O achegar, desde o mundo do deporte, pequenos grans de area á simboloxía e cultura galegas é algo que nos enorgullece como Club e que tratamos coa prudencia e o respecto que o tema merece. E así debe ser porque a cultura galega, como referente identificador e enriquecedor dunha terra, nunca debe ser instrumento de ninguén nin obxecto de paixóns particularistas.
Por iso desde o Club branquiazul xamais se sentiu a necesidade de divulgar, e menos aínda airear, as históricas, espontáneas e documentadas implicacións entre a mítica ?Rianxeira? e o deportivismo. No entanto, e no marco da efeméride que se acaba de celebrar en Rianxo, o R.C.Deportivo quere render o seu humilde e respectuosa homenaxe a unha belísima canción que, aínda entoándose milleiros de veces con acento branquiazul, é por encima de todo patrimonio de todos os galegos e símbolo dunha cultura milenaria; a cal o R.C.Deportivo reverencia e da que, lexitimamente, sente partícipe..