Como sucede cada temporada após o peche de cada un dos mercados, futbolistas, técnicos, auxiliares, membros do Consello de Administración e persoal directivo do Real Club Deportivo participaron á primeira hora da mañá na sala de prensa de Abegondo nun Curso de Integridade impartido polo responsable de Integridade de LaLiga, Pedro Varas.
A xornada tratou aspectos relacionados coa predeterminación e manipulación de resultados, amaño de partidos e apostas deportivas. Neste programa participan todos os equipos de LaLiga.
Ademais os xogadores recibiron o Manual de Boas Prácticas (Normativa e principios para as Federacións, Ligas e Deportistas Españois) publicada pola propia Liga e o CSD.
Posteriormente, o asesor xurídico e responsable de cumprimento normativo do Club, Óscar Rama, fixo unha presentación para as novas incorporacións e un repaso para os veteranos do Código Ético da entidade e de todos os protocolos internos de cumprimento normativo desenvolvidos, aprobados e implantados desde fai catro temporadas e que aplican a todos os empregados do Real Club Deportivo.
