O XVIII Torneo RC Deportivo, unha vez pechadas as inscricións, xa ten confeccionado o seu calendario definitivo, que todos os participantes e os seus familiares poden consultar a través da app OWQLO.
A través desta ligazón ou de códigos QR que se poderán escanear en paneis instalados na Cidade Deportiva, tanto os adestradores dos equipos como os acompañantes dos xogadores e xogadoras terán acceso directo desde os seus teléfonos móbiles aos horarios e campos dos partidos.
O RC Deportivo organiza un ano máis, seguindo a tradición, o 17 de maio, Día das Letras Galegas, o seu torneo de categorías Benxamín e Prebenxamín, que de novo está a resultar un éxito a nivel participativo posto que se inscribiron 160 equipos: 88 en categoría Benxamín e 72 en Prebenxamín.
O Torneo RC Deportivo faise maior, pois en 2024 cumpre o seu XVIII edición. Desde 2004, fóra de 2020, 2021 e 2022 debido á pandemia mundial de COVID-19, a Cidade Deportiva de Abegondo acolle a gran festa do fútbol basee galego, acollendo un torneo que pode considerarse como o campionato rexional oficioso en ambas as categorías.
O RC Deportivo, con 5 títulos, é o dominador do palmarés en categoría Benxamín. En categoría Prebenxamín, que se disputa desde 2015 xa que con anterioridade celebrábase un torneo Alevín (con 8 triunfos deportivistas en 11 edicións), ninguén conseguiu repetir vitoria, con éxitos do Victoria CF, ED Val Miñor Nigrán, SD Cristo da Victoria, EF Luis Calvo Sanz, CD Calasanz e UD Mos.
