O Club e a súa Asesoría Xurídica envían alegacións ao cartón amarelo que viu Luís

Esta amoestación, que recibiu o fabrilista por entender o árbitro que había simulado penalti, é o seu terceiro cartón e, por conseguinte, impídelle disputar o encontro de volta do próximo sábado 29 de xuño ás 20.00 horas no campo de San Ignacio do Pau.

As imaxes da Televisión de Galicia mostran claramente o erro do colexiado castelán leonés Manso García, posto que a meta andaluz Lorenzo derruba co seu corpo a Luís, unha vez que este o regateou.