O Club envía informes médicos de Abel Aguilar e de Nelson ás súas respectivas federacións
O Real Club Deportivo envió esta tarde vía fax un informe médico de Abel Aguilar á Federación Colombiana e de Nelson Oliveira á Federación Portuguesa, co obxecto de que sexan liberados das súas respectivas convocatorias
Abel Aguilar recupérase dunha lesión muscular de grao 1 no obturador externo da súa cadeira dereita. Actualmente adéstrase no Mundo do Fútbol á marxe do grupo, realizando un traballo de readaptación deportiva. Colombia mídese a Brasil nun partido amigable o mércores 14 de novembro na cidade norteamericana de New Xersei.
Pola súa banda, Nelson Oliveira sufriu o pasado domingo ante o Mallorca unha rotura de grao 2 no psoas ilíaco esquerdo. Estará os próximos días con tratamento médico e de fisioterapia. A continuación, iniciará unha segunda etapa de readaptación progresiva á competición, cuxa duración dependerá da súa evolución. O dianteiro deportivista, cos seus compañeiros André Santos e Pizzi, foi incluído nunha preconvocatoria de Portugal para un partido amigable en Libreville, ante a Selección de Gabón, o mércores 14 de novembro ás 20.30 (hora local). A convocatoria definitiva farase pública o vindeiro xoves 8 de novembro. Os citados deben presentarse en Lisboa o luns 12 de novembro.
