O concello de Valencia recalifica os terreos de Mestalla
A Valencia seguirá na elite do fútbol español e continental. Tal e como publica hoxe o Diario Marca, o club ché e o Concello da cidade levantina acaban de facer público o acordo de recualificación dos terreos que ocupa actualmente o estadio de Mestalla (e
Este novo estadio, que os directivos chés cualifican como o "máis bonito do mundo", terá preto de 70.000 asentos e contará ademais cunha pista de atletismo para grandes eventos.
Mentres tanto, na Coruña, a Deportivo espera desde hai dous anos que o Concello o reciba para mostrarlle un proxecto de novo Estadio de Riazor deseñado polo arquitecto norteamericano Peter Eisenman, cualificado por el mesmo como "o estadio máis espectacular do mundo". O club xa o mostrou a todos os estamentos da sociedade coruñesa pero aínda confía en poder ensinalo ao Goberno Municipal. Este novo estadio sería moito máis que un campo de fútbol, e estaría dotado de Centros Comerciais, todo tipo de servizos e ata un hotel. O obxectivo é que os coruñeses non só vaian ao estadio cada quince días a ver os partidos do Deportivo. Ademais, sería unha referencia turística máis da Coruña.
