O Dépor ABANCA arrinca mañá só con cinco xogadoras e pendente do adiamento do partido do Raio
O Deportivo ABANCA inicia mañá luns 11 de xaneiro a semana de adestramentos con só cinco futbolistas dispoñibles, dado que o resto do cadro, un total de quince xogadoras, están confinadas debido a que foron contactos estreitos cunha persoa positiva en COVID-19.
O Club está pendente da petición de adiamento do encontro en Madrid ante o Rayo Vallecano previsto inicialmente para este mércores 13 de xaneiro ás 16:00 horas. O partido corresponde á 7ª xornada, que foi aprazado no seu día por coronavirus no conxunto madrileño.
Manu Sánchez, técnico deportivista, dispuxo no entanto cinco sesións de adestramento, todas elas na Cidade Deportiva de Abegondo.
A planificación semanal, sempre susceptible de sufrir variación por razóns técnicas, é a seguinte:
Luns 11 de xaneiro 17:30 h
Martes 12 de xaneiro 10:00 h
Mércores 13 de xaneiro 16:00: Rayo Vallecano - Deportivo ABANCA, na Cidade Deportiva Fundación Rayo Vallecano, pendente da decisión do Xuíz de Competición