O Dépor ABANCA B, coa permanencia lograda matematicamente a pasada fin de semana en Eibar, concluíu a liga con derrota (1-2) ante o Sporting de Gijón no Dépor Training Center.
Adiantáronse as asturianas á media hora de xogo, resultado co que se chegou ao descanso.
Após o paso polos vestiarios, o Sporting aumentou a diferenza, co que parecía que o partido estaba sentenciado.
Laura Tubío, que relevara a Sonsoles, puxo o 1-2 no minuto 88 e a emoción nos minutos finais; aínda que faltou tempo para polo menos sumar 1 punto.
As branquiazuis finalizan a competición con 28 puntos na 10ª posición, con 7 partidos gañados, 7 empatados e 11 perdidos; con 31 goles marcados por 38 encaixados. Karla Bermejo, con 9 goles en 10 partidos, foi a máxima anotadora despois de chegar ao equipo no mercado invernal.
A boa noticia no vestiario deportivista protagonízaa Antía Veiga, que recibiu a convocatoria para disputar coa seleccion española sub-17 o Campionato de Europa, do 2 ao 17 de maio en Irlanda del Norte.
A canteirá branquiazul concentrarase o martes 28 de abril na Ciudad del Fútbol de Las Rozas (Madrid) até o sábado 2 de maio, día no que as internacionais sub-17 porán rumbo a Belfast.
Finlandia, Francia e Polonia serán as rivais de España no grupo B da primeira fase.
Deportivo ABANCA B: Martina, Noe Mayo, Paula Novo, Carmen (Laura Ruiz, min. 46), Sara Cercido (Yanis Citoula, min. 60), Sonsoles (Laura Tubío, min. 85), Lucía Mariño, Valbuena, Karla, Jenny Corros (Laura Otero, min. 80) e Claudia Sande (Emma, min. 60)
Os resultados do Dépor ABANCA B nesta liga foron os seguintes:
Deportivo ABANCA B 2 (Sara Cercido -2-) - Madrid CFF B 1
Bizkerre Club 0 - Deportivo ABANCA B 0
Deportivo ABANCA B 4 (Carmen, Laura Otero, Michi Apóstol e Laura Ruiz) - Atlético de Madrid C 1
Real Avilés Industrial 0 - Deportivo ABANCA B 1 (Michi Apóstol)
Deportivo ABANCA B 1 (Redru) - Real Sociedad B 2
RC Celta 1 - Deportivo ABANCA B 0
Real Racing Club 1 - Deportivo ABANCA B 0
Deportivo ABANCA B 0 - SD Eibar B 4
Sporting de Gijón 0 - Deportivo ABANCA B 2 (Laura Ruiz -2-)
Deportivo ABANCA B 1 (Laura Ruiz) - Athletic Club B 2
Deportivo ABANCA B 0 - Olímpico de León 3
Atlético Villalonga FF 0 - Deportivo ABANCA B 0
Deportivo ABANCA B 0 - Burgos CF 1
Atlético de Madrid C 0 - Deportivo ABANCA B 0
Deportivo ABANCA B 1 (Jenny Corros) - Bizkerre Club 6
Real Sociedad B 5 - Deportivo ABANCA B 0
Deportivo ABANCA B 1 - Real Racing Club 0
Madrid CFF B 2 - Deportivo ABANCA B 2 (Jenny Corros e Carmen)
Deportivo ABANCA B 2 (Karla -2-) - Real Avilés Industrial 2
Athletic Club B 2 - Deportivo ABANCA B 2 (Karla -2-)
Olímpico de León 2 - Deportivo ABANCAB 2 (Daniela Valbuena -2-)
Deportivo ABANCA B 1 (Daniela Valbuena) - As Celtas 2
Burgos CF 1 - Deportivo ABANCA B 0
Deportivo ABANCA B 6 (Jenny Corros, Daniela Valbuena -2-, Laura Ruiz e Karla -2-) - Atlético Villalonga FF 0
SD Eibar B 0 - Deportivo ABANCA B 3 (Jenny Corros e Karla -2-)
Deportivo ABANCA B 1 (Laura Tubío) - Sporting de Gijón 2
