-Foto:@rfef.es
Mauro Valeiro (na foto co dorsal 8) estivo concentrado coa selección española sub-17 para disputar dous partidos amigables ante Ucraína.
Estes encontros serviron de preparación para a Fase Final do Campionato de Europa da categoría de Estonia do 25 de maio ao 7 de xuño.
O segundo encontro entre ambas as seleccións disputouse este xoves 23 de abril no Estadio Bahrain Victorious Nuevo Arcángel, coa presenza de case 4.000 nenos e nenas nas bancadas.
Mauro Valeiro arrincou no banco e saltou ao céspede no minuto 60 en substitución de Ebrima Tunkara.
Gañou La Roja por 3-1 e demostrou que está preparada para o Europeo, no que Estonia, Bélxica e Croacia serán os rivais na primeira fase.
No primeiro dos choques ante Ucraína, este pasado martes 21, o canteirán deportivista foi titular.
Estivo sobre o céspede 66 minutos, momento no que foi substituído por Ian Mencía.
Venceu España por 4-0 nun partido de claro dominio local.
Os resultados de Mauro Valeiro foron os seguintes
Martes 21 de abril
ESPAÑA 4 - UCRAÍNA 0
Xoves 23 de abril
ESPAÑA 3 - UCRAÍNA 1
Finalizado este choque, Mauro Valeiro regresou á Coruña.
O centrocampista do Xuvenil A é un dos habituais nas últimas convocatorias deste combinado nacional.
Así, proclamouse campión do torneo internacional no Algarve (Portugal) e tamén xogou en marzo a Rolda 2 de clasificación ante Irlanda del Norte, Escocia e Turquía, fase na que certificou a súa clasificación para o Campionato de Europa.
O centrocampista coruñés, que chegou a ANOSACANTEIRA no primeiro ano de benxamíns na temporada 2017-18, xa sabe o que é ir citado pola selección española sub-15 e sub-16.
Mauro Valeiro suma a día de hoxe 22 partidos co Xuvenil A na División de Honra, 18 deles como titular; nos que anotou 2 goles.
