O Dépor ABANCA cae pola mínima ante a SD Eibar en ABANCA-RIAZOR nun partido "que non soubemos ler ben"
As de Fran Alonso sucumben ante a SD Eibar (0-1) por un gol de Pizarro no 73 e conclúen en seis a xeira de partidos sen perder.
Fran Alonso comenta que esta derrota "animicamente dóenos moito" e sente que "non lemos ben o partido".
As Nosas, arroupadas por máis de 1.100 deportivistas, saíron ao verde dispostas a levar o partido.
Aos 10 minutos de encontro, Ainhoa quixo conectar con Bennett, pero o pase ao oco foi interceptado pola zaga.
No 14, Elyse se zafó do seu par con eficacia e regalou un pase de gol a Millene, que chegou forzada e o seu remate pegou no lateral da rede.
Pouco despois, a SD Eibar respondeu cun zapatazo de Pizarro desde a esquina da área e un croque nun córner ás mans de Inês. No 32, unha intervención sensacional da porteira deportivista após un disparo na área pequena salvou ao equipo de marchar a vestiarios por detrás no luminoso.
Após o descanso, o cadro visitante saíu máis conectado ao partido, pero as ofensivas armeiras foron efectivamente repelidas pola zaga coruñesa.
Cumprido o 60, Bennett cedeu a testemuña a ADT e a entrada de pernas frescas na punta de ataque sentou ben ao Dépor ABANCA. Aos dous minutos, Olaya completou o primeiro golpeo branquiazul da segunda metade, que se marchou alto.
Cumprido xa o 72 de encontro, o centro-chute de Pizarro no saque dunha falta lateral se envenenó e superou a Inês para impor o 0 a 1 en ABANCA-RIAZOR.
As de Fran Alonso trataron de igualar a contenda de novo e o último cuarto de hora xogouse practicamente ao completo en campo do Eibar.
Cumprido xa o 90 e en tempo de desconto, Bárbara probouse desde a frontal cun disparo que se perdeu por liña de fondo na que foi a última ocasión.
Finalmente, As Nosas non puideron cunha SD Eibar que leva o tres puntos de ABANCA-RIAZOR e rompe a igualdade clasificatoria para porse con 24 puntos.
Dépor ABANCA: Inês, S. Ortiz, Vera, M. Artero, Millene, Ainhoa (Hmírová, min. 80), Olaya (Paula G., min. 67), Raquel G., F. Lara ( Eva Dios, min. 80), Lucía (Bárbara, min. 80), Bennet (ADT, min. 60).
SD Eibar: Astralaga, Carla, Amani, Altonaga (Patri Ojeda, min. 80), Pizarro, Camino, Monnechi, Carmen (Mariana, min. 67), Elba, Mireia, Eider.
Árbitra: Elia María Martínez Martínez, do comité murciano, amoestou ás visitantes Amani, Astralaga e Pizarro e ás locais Samara e Millene.
Goles (0-1): E. Pizarro, 0-1, min. 73.
Incidencias: Partido correspondente á xornada 21 da liga F, disputado en ABANCA-RIAZOR, ante 1.109 asistentes.