O Dépor ABANCA enfróntase este sábado 28 de marzo ás 18:00 (Dazn e RTVE Play) á SD Eibar en ABANCA-RIAZOR, en partido correspondente á 24ª xornada en Liga F.
A derrota en Granada o pasado luns 23 de marzo deixou ás Nosas con 23 puntos na 12ª posición da táboa.
Fran Alonso admite que a semana é "atípica. Non lembro ningunha semana así, cun partido aos 4 días".
O técnico deportivista admite que "non podemos adestrar con carga ningún día para as futbolistas que xogaron. É difícil meter carga didáctica".
Conclúe que a semana foi "desafiante nos adestramentos pero gústame a reacción do equipo ante unha derrota que nos doeu porque tiñamos moita confianza".
Millene Cabral será a única ausencia por lesión.
Pola súa banda, a SD Eibar, que a pasada fin de semana caeu (0-1) en Ipurúa co Real Madrid CF, é 13º con 17 puntos.
No partido da primeira volta disputado o pasado 2 de novembro venceron as vascas por 1-0.
Lonxe do seu campo esta temporada a SD Eibar gañou ao Levante UD (0-1), UD Costa Adeje Tenerife (0-1), DUX Logroño (0-1) e Alhama CF (0-1); e caeu co Madrid CFF (1-0), Granada CF (3-1), Athletic Club (2-0), Real Madrid CF (3-0), Real Sociedad (3-0), FC Badalona Women (2-1), FC Barcelona (4-0) e RCD Espanyol (2-0).
O seu técnico, Iñaki Goicoetxea, afirmou en rolda de prensa que o Dépor ABANCA "é un equipo moi dinámico, con xogadoras de moitísima calidade e gol. Temos que estar ao 100 % en defensa e aproveitar as nosas opcións en ataque".
E cre que as azulgrana deron nos últimos partidos "un paso adiante en canto a ser máis agresivas e estar máis metidas no partido".
Finalizado o encontro, As Nosas adestraranse de novo o domingo 29 de marzo ás 10:00.