O Dépor ABANCA finaliza a temporada en Liga F mañá domingo 18 de maio ás 12:00 (Dazn) coa súa visita ao Madrid CFF.
O partido é intranscendente para as branquiazuis e as madrileñas, xa coa permanencia asegurada.
As Nosas, con 14 puntos, ocupan a 14ª posición despúes do empate do pasado domingo en ABANCA-RIAZOR ante o Sevilla FC.
Fran Alonso asegura que "a prioridade é ser competitivas, ir alí a facer un bo partido, pechar a temporada cunha boa actuación e se podemos puntuar, é o que nos gustaría".
Pola súa banda, o Madrid CFF, que a pasada fin de semana é 10º con 30 puntos.
O encontro da primeira volta disputado o pasado 13 de outubro en ABANCA-RIAZOR (6ª xornada) acabou con triunfo deportivista por 1-0 con gol de Millene.
No seu estadio esta temporada o Madrid CFF gañou ao UD Costa Adeje Tenerife Egatesa (2-1), RCD Espanyol (2-1), Sevilla FC (2-1), SD Eibar (2-1), Levante UD (2-1), Granada CF (3-1) e Real Betis Féminas (2-0); empatou coa Valencia CF Féminas (1-1) e Athletic Club (1-1); e caeu co FC Barcelona (1-8), Real Madrid CF (0-1), Real Sociedad (0-2), Atlético de Madrid (0-3) e FC Levante Badalona (1-2).
Antes de viaxar, Fran Alonso dirixiu unha sesión de traballo na Cidade Deportiva a partir das 10:00.
O plan de viaxe das Nosas é o seguinte:
Sábado 17 de maio
10:00: Adestramento en Abegondo
12:40: Saída do autocar da Cidade Deportiva
20:15 (hora aproximada): Chegada ao Hotel NH Alcorcón
Domingo 18 de maio
12:00: Madrid CFF - Deportivo ABANCA no Estadio Fernando Torres de Fuenlabrada
Ao concluír, regreso en autocar á Coruña
