Os partidos en ABANCA-RIAZOR do Dépor ABANCA ante o Granada CF este sábado 6 de decembro ás 12:00 (Dazn) e do Dépor ante o CD Castellón este domingo 7 de decembro ás 18:30 (LaLiga TV Hypermotion e Fútbol 2, dispoñible en DIGI TV e outras plataformas) foron declarados polo RC Deportivo como "O Día DÉ..." As Persoas con Discapacidade.
Por medio desta proposta, destinaranse prazas do Palco de Honra do Estadio a representantes de COGAMI (Confederación Galega de Persoas con Discapacidade) e o Dépor Genuine recibirá o cariñoso aplauso da bancada de ABANCA-RIAZOR nos prolegómenos do encontro do Dépor ante o CD Castellón.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
