O Dépor ABANCA B non puido sumar (1-0) no campo de La Planchada de Astillero ante outro dos favoritos ao título, o Real Racing Club, en partido correspondente á 7ª xornada.
Con este resultado, As Nosas quedan con 11 puntos na zona media alta da clasificación no grupo 1º de Segunda Federación.
A gran novidade foi a presenza na convocatoria de Lucía Rivas, superada a súa lesión de xeonllo.
A internacional, que se lesionou na pretemporada de 2024 nun amigable do Dépor ABANCA en Salamanca ante a Valencia CF Féminas, foi cariñosamente homenaxeada polas Nosas durante a semana. Recibiu ao termo dun entrenmamiento no campo 6 do Dépor Training Center un cariñoso corredor de labazadas e até foi manteada.
En Astillero xogou os últimos 20 minutos de partido ao relevar no minuto 71 a Jenny Corros.
Si causou baixa Antía Veiga, concentrada coa selección española sub-17 de cara ao Mundial da categoría que arrinca este domingo ante Colombia.
Decidiu o encontro entre o Real Racing Club e o Dépor ABANCA B un gol da cántabra Sandra Calvo ao comezo da segunda metade.
Deportivo ABANCA B: Martina, Barreda (Laura Otero, min. 77), Michi Apóstol, Carmen, Sara Cercido (Sonso, min. 71), Marta Rico, Lucía Mariño, Redru, Valbuena (Laura Ruiz, min. 68), Jenny Corros (Lucía Rivas, min. 71) e Emma.
A próxima semana non haberá competición en Segunda Federación por parón de seleccións. A seguinte cita para o Dépor ABANCA B será o domingo 2 de novembro ás 12:00 no Dépor Training Center.
Os resultados até a data do Dépor ABANCA B son os seguintes:
Deportivo ABANCA B 2 (Sara Cercido -2-) - Madrid CFF B 1
Bizkerre Club 0 - Deportivo ABANCA B 0
Deportivo ABANCA B 4 (Carmen, Laura Otero, Michi Apóstol e Laura Ruiz) - Atlético de Madrid C 1
Real Avilés Industrial 0 - Deportivo ABANCA B 1 (Michi Apóstolo)
Deportivo ABANCA B 1 (Redru) - Real Sociedad B 2
RC Celta 1 - Deportivo ABANCA B 0
Real Racing Club 1 - Deportivo ABANCA B 0
